- Advertisement -

- Advertisement -

- Advertisement -

- Advertisement -

کورونا وائرس خطرناک شکل اختیار کر گیا

مہلک وبا ان علاقوں تک پہنچ گئی جو پہلی لہر میں محفوظ رہے تھے، معاون خصوصی برائے صحت

0 6

ملک میں کورونا وائرس خطرناک شکل اختیار کرگیا ہے، اور اب کورونا وائرس ان علاقوں میں بھی پھیل رہا ہے جو پہلی لہر میں محفوظ رہے تھے ۔

کورونا وائرس خطرناک شکل اختیار کر گیا

تفصیلات کے مطابق وزیراعظم عمران خان کے معاون خصوصی برائے صحت ڈاکٹر فیصل سلطان نے انکشاف کیا ہے کہ کوروناکی دوسری لہر تیزی سےپھیل رہی ہےاور اب کورونا اس بار ان علاقوں تک بھی پہنچ چکا ہے جو پہلی لہر کے دوران بچ گئے تھے۔

 

- Advertisement -

- Advertisement -

انہوں نے کہا کہ مثبت کیسز کا تناسب تقریباَ جون جیسی تیزی سے بڑھ رہا ہے۔ اسلام آباد میں پریس کانفرنس کرتے ہوئے انہوں نے کہا کہ کورونا ایس اوپیز پر سختی سے عملدرآمد کرنا ہوگا کیوں کہ ہمیں عالمی وباء کورونا وائرس پر قابو پانے کے لیے پوری قوم کے تعاون کی ضرورت ہے ،

 

جس کیلئے ضروری ہے کہ ماسک پہنا جائے ، ایک دوسرے سے فاصلہ رکھیں اور اجتماعات سے پرہیز کیا جائے ، شادی بیاہ کی تقریبات منانے پر کوئی پابندی نہیں ہے لیکن احتیاط ضرور کریں ، جس کیلئے شادی ہالز کے کمرے کھلے رکھیں اور ایس او پیز پر عمل درآمد کو یقینی بنایا جائے۔

 

واضح رہے کہ کورونا کی دوسری لہر نے ملک بھر میں شدت اختیار کر لی ہے ، عالمی وبا کورونا وائرس کے سبب پاکستان میں گزشتہ 5 ماہ کے دوران آج سب سے زیادہ اموات ریکارڈ ہوئیں ،

 

کورونا سے گذشتہ چوبیس گھنٹوں کے دوران 105اموات ہوئیں جبکہ کورونا کے 2 ہزار 731 نئے کیسز رپورٹ ہوئے ، جس کے بعد اموات کی تعداد 9 ہزار 10 ہوگئی اور پاکستان میں کورونا کے تصدیق شدہ کیسز کی تعداد 4 لاکھ 45 ہزار 977 ہوگئی۔

 

 

- Advertisement -

- Advertisement -

- Advertisement -