- Advertisement -

- Advertisement -

- Advertisement -

- Advertisement -

چڑدا پنجاب تے لیندا پنجاب اکوں دھرتی ماں دے وچھڑے دو پتر لیکھت:ظفر اقبال ظفر لاہور پنجاب پاکستان

Chadda Punjab and Linda Punjab are the two leaves of the mother earth Written by: Zafar Iqbal Zafar Lahore Punjab Pakistan

0 11

لیندے پنجاب دی دھرتی نوں اپنے اُتے مان اے کہ اینوں پنجاب بنان وچ شامل۔بابا فرید۔باباگرو نانک۔شاہ عنایت حسین۔سلطان باہو۔بابا بلھے شاہ۔بابا وارث شاہ۔میاں محمد بخش۔خواجہ فرید۔ورگیاں پاک ہستیاں نے آباد کیتا تے پنجابی نوں ہمیش لئی جگ تے رہن والی حیاتی دیتی۔

 

 

پنجابی ماں بولی نوں کدی زوال نیں آ سکدا جدی سب توں وڈی دلیل اے وے کہ اس پنجابی اندر صوفی اے درویشی اے تے کنے ای پنجابی بزرگ ولی ہوئے جیڈے رہندی دنیا تک زندہ رہن گے تے اپنے کلاماں راہیں پنجابی بولن تے سمجھن والیاں نوں ستھری حیاتی لنگان واسطے سبق چھڈگے۔

 

جینداپینڈا گناہواں توں پاک ریا ہوئے او روح وانگوں ہمشیہ لئی زندہ رہندا اے۔ایناں ویڈیاں تے پاک ہستیاں دیاں پنجابی وچ لکھیاں سچیاں تے سُوچیاں گلاں پنجابی نوں زندہ رکھن واسطے حشر دھاڑے تک کافی نیں۔اے او کم اے جندی ڈیوٹی پنجابی دا پرچار کرن والے دے رے نے۔

 

- Advertisement -

لیندے پنجاب دی دھرتی دی اک تھاں ننکانہ صاحب وی اے جتھوں سکھی نے جنم لیاتے گرنتھ راہیں گرمکھی دی نی رکھی۔لیندے پنجاب وچ بولی جان والی شاہ مکھی پنجابی دا سہرہ مسلمان پنجابی صوفی شاعر جیڈے ولایت دے رتبے تک پہنچے اُوناں نوں جاندا اے۔

 

تے گر مکھی پنجابی نوں بابا گرونانک نے جیڈا مان دتااوندی مثال نیں لبدی۔ بابا گرونانک دی مسلمان پنجابی صوفی ولی شاعراں نال اوس ویلے دی پریت نے مسلمان تے سکھ پنجابیاں وچ ایسی سانجھ پائی جیڈی محبتاں نوں ہمیش واسطے امر کر گئی۔جینوں اسی عبادت دا ناں وی دیئے تے جھوٹ نئی ہوئے گا۔

 

لیندے پنجاب دے لوک چڑدے پنجاب دے لوکاں نال اپنی ماں بولی تے دھرتی ماں وانگوں پیار کردے نئے۔جیناں نے اپنے وچ آن والیاں نفرتاں نوں کدی جتن نئی دتا۔لیندے پنجاب تے چڑدے پنجاب دے لوک اکو ماں دے دو وچھڑے ہوئے دو پتر نئے۔

 

جیڈے اج وی اک دوجے نوں ملن واسطے ترسدے رہندے نئے۔دوواں پنجاباں دے کساناں نے اپنے مُلکاں دے رہن والے لوکاں نوں رب دا رزق پہنچان واسطے باقی دئیاں قوموں توں ود کے کم کیتاتے کر رے نئے جیڈے کئی مشکلاں تے رکاوٹاں دے باوجود احساس دی سولی تے چڑ کے ڈیوٹی دے رے نئے کیونکہ اے پنجابی اپنے ملک تے ایتھے وسن والے لوکاں نال اپنے بالاں وانگوں پیار کردے نئے۔

 

تے کدی وی کسے وی طراں دی قربانی توں پچھے نئی ہٹ دے۔جے اسی دوواں پنجاباں دے لوکاں دے دلاں نوں کھول کے ویکھئے تے پریت وچ لُکی ہوئی ملن دی آس اپنا اعلان کردی ہوئی لبے گئی۔

 

پاکستان دی سرکار نئے لیندے پنجاب دے لوکاں وچ چڑدے پنجاب دے لوکاں نال جڑی ہوئی پریت نوں ویکھدے ہوئے کرتار پور ننکانہ صاحب پنجہ صاحب تے باقی دیاں تھاواں تے جان دے راہ کھولے۔

 

لیندے پنجاب دے لوکاں نے وی چڑدے پنجاب دی دھرتی اوتے جا کے ملن واسطے آس رکھی جدے پورا ہون واسطے دعاواں وی کر دے نئے۔اے جاندے نئے کہ اس وچ چڑدے پنجاب دے لوکاں داکوئی قصور نیں اگر اُوناں دا وس چلے تے او کدوں دے اپنے دلاں وانگوں سرحداں نوں کھولوا کے لیندے پنجاب دے لوکاں نوں سینے لا لیندے۔

 

- Advertisement -

میں چڑدے پنجاب دے اُوناں لکھاریاں ادیباں شاعراں دے نال نال اخباراں ویب چینل میگزیناں نال جڑے عظیم لوکاں نوں سلام پیش کرنا واں جینڈے پنجاب تے پنجابی واسطے کم کررے نئے۔اے سارے لوک پنجاب دی دھرتی دے او پُھل نئے جیڈے اپنی اپنی محبت دی مہک نوں ونڈدے پئے نئے۔

 

تے میں جدوں وی ایناں نال گل بات کیتی تے ایناں نوں چا ہ چڑ جاندے نئے۔اے او لوک نئے نے جیڈے امن سلامتی تے پائی چارے دا سہی حق ادا کر رے نئے۔تے اہوں جیے لوک لیندے پنجاب وچ وی کٹ نئی۔اپناں اپناں ملکاں نال وفاداری رکھدے ہوئے اے نگینے کسے سازشاں یا نفرتاں دا حصہ نیں بن دے۔

 

دنیا تے کئی ملکاں تے قوماں دا آپس وچ پیار تے رل مل کے رہن نوں امن دا ناں دتا جاندا اے۔لیندے پنجاب تے چڑدے پنجاب دے لوکاں وچ مذہب توں سوا کوئی ہور شے وکھری نئی لبدی۔تے مذہن وی او نئے جیڈے صرف پیار عزت امن ونڈن دا سبق دیندے نئے۔

 

میں لیندے پنجاب دی سرکار نوں عرض کرناواں کہ جیویں اُناں نئے سکھ مذہب واسطے راہداری کھولی جیڈی خاص تہوار تے ورتی جاندی اے اینوں وداوا دے کے چڑدے پنجاب دے سونے لوکاں نوں لیندے پنجاب دے وچ آ کے پنجابی کلچر وچ رلن دا موقع دتا جاوئے۔

 

ایتھوں دئیاں سونیاں تھاواں دے نظارے لین دتے جاون تے اُوناں نوں دنیانوں دسن دا موقع دتا جاوئے کہ پاکستان تے لیندے پنجاب دے لوک کنے پیار کرن والے نے۔مینوں اپنے پاکستان دا ناں روشن کرن والے اُوچی سوچ تے اُچے عہدے تے بیٹھے ہوئے

 

امن دے سفیراں تے پورا مان تے یقین اے کہ اک دن او اے سخنا وی پورا کر دین گے کیونکہ میں جاننا واں کہ اُو پاکستان نوں دنیا وچ امن ولوں پیلے نمبر تے لیان واسطے دن رات کم کر رے نئے۔ لیندا پنجاب تے فیر وی پاکستان دے سر تے رکھی ہوئی

 

او پگ اے جنے کدی پاکستان دی آن شان وچ فرق نئی آن دتا۔رب نے خورے پنجابی کس مٹی نال بنائے نئے اے جتھے وی رین امن سلامتی پیار محبت عزت وفاداری دے چنڈے گھڈدے نئے۔

 

تیاں پیناں تے ماواں دیاں عزتاں دے رکھوالے اپنے بزرگاں دیاں پگاں دے راکھے اپنی دھرتی نوں اپنے خون نال دشمناں توں بچا کہ تے دوستاں نال ونڈ کے جین دا حوصلہ رکھدے نئے۔آسماناں وچ رب ولوں کوئی سرحد ورگی کند نہیں کیتی گئی رب دا سورج تے چن اپنے اپنے ویلے تے ساریاں نوں اکو جیا چانن دیندا اے۔

 

رب دی ہوا ساریاں نوں جین واسطے ساہ لینا دا پورا حق دیندی اے۔پنچھی کدی اک دوجے دا راہ نہیں روکدے۔ویکھا جاؤے تے انساناں توں سوا باقی ساریاں مخلوقاں اک دوجے نوں جین دا پورا راہ دیندیاں نئے۔

 

تے ساریاں تو ودیا مخلوق انسان نئے جینا ں آودی نیکی جیی حیاتی رل مل کے پیار محبت عزت امن سلامتی نال کٹنی سی اوہی سیاپیاں وچ پیا ہویا اے۔

 

اس بندے نئے تے بندے دا دارو بننا سی پر ویلے دی ونڈ نئے کنداں کروا دیتاں۔پر اج وی چنگے سبا ہ والے لوکاں دی تھوڑ نیں جیڈے ٹٹے رشتیاں نوں جوڑ سکدے نیں

 

- Advertisement -

- Advertisement -

- Advertisement -