حوثی باغیوں کی ہٹ دھرمی کی وجہ سے امن مذاکرات ناکام

عرب اتحاد کے ترجمان نے کہا ہے کہ یمن کے حوثی باغیوں کی ہٹ دھرمی کی وجہ سے امن مذاکرات ناکام ہوئے ہیں۔

تفصیلات کے مطابق ترجمان عرب اتحاد برائے امن بریگیڈیئر جنرل ترکی المالکی نے کہا ہے کہ حوثی باغیوں کی ہٹ دھرمی نے امن مذاکرات کو ناکام بنا دیا ہے۔

انہوں نے مزید کہا کہ حوثی باغیوں کی اس ہٹ دھرمی کی وجہ سے تمام جنگی قیدیوں کی رہائی کی کوششیں ناکام ہو چکی ہیں۔ 

عرب میڈیا کے مطابق بریگیڈیئر ترکی المالکی نے مزید کہا کہ حوثی باغی کا گروہ اپنے قیدیوں کی رہائی کے بجائے تیل کے امور کو ترجیح دے رہے ہیں۔

ترجمان عرب اتحاد برائے یمن کے مطابق حوثیوں کی نظر میں انسانی مسائل سے کہیں زیادہ تیل کے امور ہیں، اور ان کی دلچسپی صرف تیل کے امور میں ہے۔

بریگیڈیئر جنرل ترکی المالکی نے کہا کہ عرب اتحاد تمام قیدیوں کی رہائی اور منتشر خاندانوں کو یک جا کرنے کیلئے ہر ممکن کوشش کر رہا ہے۔

10 Tips For Choosing The Best Car Accident Lawyer

اپنی رائے کا اظہار کریں