قرآن پاک کی نصیحت(نظم ) شاعر: انصار احمد معروفی

akhtarsardar.com

قرآن پاک میں ہے ہدایت کی روشنی

دونوں جہاں کی اس سے سنورتی ہے زندگی

قرآن پاک سارے کلاموں کا بادشاہ

جس کا کلام ہے وہ ہے شاہوں کا بادشاہ

دنیا میں اس کے جیسا نہیں ہے کوئی کلام

سارے کلام کے وہ اماموں کا ہے امام

باطل کبھی بھی سامنے آئے یہ دم نہیں

لکھ دے تمام خوبیاں ایسا قلم نہیں

ماضی کے واقعات اور آئندہ کی خبر

جو ہم نہ دیکھ سکتے ہیں اس پہ بھی ہے نظر

حکمت کی اس میں باتیں ہیں امر و نواہی بھی

کفار و مشرکین کی ہے خیرخواہی بھی

جس نے بھی دل سے مان لیا کامیاب ہے

وہ ایرے غیرے کی نہیں رب کی کتاب ہے

اپنی رائے کا اظہار کریں