دلہن آدھا عروسی جوڑا پہن کر پہنچ گئی !!! شادی کی رسم میں ایسا کام ہوگیا کہ دیکھ کرمہمان بھی دنگ رہ گئے

دبئی(مانیٹرنگ ڈیسک) دبئی میں دلہن آدھا عروسی جوڑا پہن کر ہی شادی کی تقریب میں پہنچ گئی اور جب پادری شادی کرانے لگا تو ایسا کام کر دیا کہ شادی میں آئے مہمان قہقہے لگانے لگے۔ انڈیا ٹائمز کے مطابق اس دلہن کا نام بیکی جیفریز ہے جو پروفیشنل ’ڈیجیٹل کنٹینٹ کری ایٹر‘ہے۔اس نے اپنا سفید رنگ کا آدھا عروسی لباس پہن لیا۔ اس

لباس کا ایک اور حصہ تھا جو کمر پر باندھا جانا تھااور اس کی وجہ سے اس لباس نے لہنگے کی سی شکل اختیار کرنی تھی، تاہم بیکی وہ حصہ پہننا بھول گئی۔ اس واقعے کی ایک ویڈیو بیکی جیفریز نے اپنے انسٹاگرام پر پوسٹ کی ہے جو تیزی سے وائرل ہو رہی ہے۔ ویڈیو میں دیکھا جا سکتا ہے کہ جب پادری شادی کرانے لگتا ہے تو بیکی کوآدھا لباس نہ پہننے کا احساس ہوتا ہے اور پادری سے کچھ دیر کے لیے تقریب روکنے کی درخواست کرتی ہے۔ وہ اپنا پھولوں کا گلدستہ پادری کو پکڑا کر مائیک اٹھاتی ہے اور مہمانوں کو صورتحال سے آگاہ کرتی ہے جس پر تقریب میں قہقہے گونج اٹھتے ہیں۔اسی اثناءمیں ایک لڑکی باقی ماندہ لباس لے کر آتی ہے اور بیکی اسے پہن کر کہتی ہے کہ ”ہاں، اب ہم تقریب شروع کر سکتے ہیں۔“انسٹاگرام پر اس ویڈیو کے کیپشن میں بیکی لکھتی ہے کہ ”کوئی دلہن سوچ بھی نہیں سکتی کہ وہ اپنا آدھا لباس آلٹر پر پادری اور اپنے دولہا کے سامنے پہنے گی۔ بہرحال، یہ واقعہ ہمیں تمام عمر یاد رہے گا۔“دوسری جانب ہر ملک کی ثقافت کے لحاظ سے دلہنیں اپنی شادی کے روز زرق برق لباس پہنتی ہیں تاہم گزشتہ دنوں نیوزی لینڈ میں ایک دلہن شادی میں ایسا لباس پہن کر آ گئی کہ دولہا اور مہمانوں کے ایک لمحے کے لیے تو خوف سے کلیجے منہ کو آ گئے۔ نجی ٹی وی چینل جیونیوز کے مطابق مقامی خاتون صحافی ایما ہیلیئر نے اس انوکھی دلہن کے متعلق اپنے ٹوئٹر اکاﺅنٹ پر بتایا ہے کہ وہ شادی کی تقریب میں روایتی عروسی جوڑے کی بجائے ’ڈائنو سار‘ کا کاسٹیوم پہن کر آ گئی۔رپورٹ کے مطابق ایما بتاتی ہے کہ ایک لمحے کے لیے دولہا اور مہمان خوفزدہ ہوئے مگر حقیقت کا علم ہوتے ہی دولہا حیرت سے اپنی دلہن کو دیکھنے لگا جبکہ مہمانوں نے قہقہے لگانے شروع کر دیئے۔ ایما اس موقع پر اپنی ہنسی پر بمشکل قابو پاتے ہوئے بتاتی ہے کہ دلہن نے اپنا یہ منصوبہ دولہا سے بھی مخفی رکھا تھا۔ چنانچہ اپنی دلہن کو ڈائنو سار کی شکل میں دیکھ کر دولہا کی جو حالت ہوئی، وہ دیکھنے لائق تھی۔“ایما کی یہ ویڈیو ٹوئٹر پر تیزی سے وائرل ہو رہی ہے، جسے اب تک 50ہزار سے زائد لوگ دیکھ چکے ہیں۔

Akhtar Sardar

اپنی رائے کا اظہار کریں