سیاسی میدان کے بعد اپوزیشن ایک دفعہ پھر پارلیمان میں بھی ناکام، مراد سعید

وفاقی وزیر مواصلات مراد سعید نے کہا ہے کہ سیاسی میدان کے بعد اپوزیشن ایک دفعہ پھر پارلیمان میں بھی ناکام ہو گئی ہے۔

مراد سعید نے سماجی رابطے کی ویب سائٹ ٹوئٹر پر اپنے ایک پیغام میں کہا کہ اپوزیشن یہ بتائے کہ وہ لندن دوائی لینے والا کب آ رہا ہے؟

ان کا کہنا تھا کہ اپوزیشن بتائے کہ ٹی ٹی اسکینڈل جس کے تمام ثبوت اور نام سامنے آچُکے اس کا جواب کب آرہا ہے اور سندھ میں مفت علاج کے لیے صحت کارڈ کب شروع ہو رہا ہے؟

انہوں نے مزید کہا کہ اپوزیشن یہ بھی بتائے کہ سندھ میں گندم کھانے والے چوہوں کا کیا ہوا ہے؟

اپنی رائے کا اظہار کریں